Matarbúrið er hafið í Krónunni!

Matarbúrið er samstarfsverkefni Krónunnar og Samtaka smáframleiðenda matvæla sem hófst árið 2020. Þar má finna einstakt hnossgæti, gúrmeti og kræsingar frá íslenskum smáframleiðendum sem kemur beint frá býli, borg eða bæ.

Í Matarbúrinu gefst viðskiptavinum tækifæri á að kynnast spennandi kræsingum og gúrmeti frá íslenskum matarfrumkvöðlum næstu tvær vikurnar. Matarbúrið er að finna í Lindum, Mosó, Granda og Selfossi og næstu tvær helgar verða kynningar og smakk frá smáframleiðendum.

Markmið Matarbúrsins er að efla íslenska smáframleiðendur og aðgengi viðskiptavina að þessum vörum. Margir smáframleiðendur, sem fengu sitt fyrsta hillupláss í Matarbúri Krónunnar, eru nú með vörur sínar í almennri sölu þar sem vörum þeirra var einstaklega vel tekið á þessu prufutímabili sem Matarbúrið stendur yfir.