Krúttlegasta hjólakeppni landsins var haldin um helgina

Gleðin tók öll völd þegar Krónuhjólamót Tinds og Hjólaskólans fór fram á sunnudag hjá Perlunni. Hjólagarpar á aldrinum 2-12 ára sýndu takta sína og voru 210 talsins. Talið er að um 500 manns hafi verið á svæðinu yfir daginn að hvetja áfram krakkana.

Yngstu hjólakrúttin eru frá tveggja ára aldri og kepptu á sparkhjólum, en 6-12 ára hjóluðu tveggja til þriggja kílómetra langa hringi í Öskjuhlíðinni, og voru hringirnir mismargir eftir aldurshópum.

Krónuhjólið var á staðnum þar sem fullt af ávöxtum voru í boði fyrir þátttakendur og aðstandendur.

Við eeelskum að taka þátt í svona skemmtilegum verkefnum sem styðja að efla heilsu og hreysti barna. Ekki skemmir fyrir þegar viðburðirnir eru jafn krúttlegir og hjólamótið.