29. júní 2021
Krónan hlýtur Fjörusteininn
Krónan hlýtur í ár Fjörusteininn, umhverfisverðlaun Faxaflóahafna, sem veitt voru í síðustu viku. Venjan hefur verið að veita verðlaunin fyrirtækjum sem starfa á hafnarsvæðunum, sýnt hafa fram á framsækni í umhverfismálum og verið til fyrirmyndar hvað varðar frágang á lóðum og snyrtilegt umhverfi.
Við erum einstaklega þakklát og stolt fyrir viðurkenninguna Fjörusteininn frá Faxaflóahöfnum sem er okkur hvatning til að halda áfram á þeirri vegferð sem Krónan er á. Áhersla á umhverfismál og samfélagslega ábyrgð er lykilþáttur í starfi Krónunnar. Við þökkum þann árangur sem við höfum náð í umhverfismálum einlægum áhuga viðskiptavina okkar og starfsfólks sem við eigum í öflugu samtali við dag hvern. Samtal sem hefur skilað sér í þeim fjölmörgu verkefnum og aðgerðum sem hafa að markmiði að minnka umhverfisáhrif Krónunnar. Á þann hátt byggjum við saman upp grænni framtíð.
31. mars 2022
Nú seljum við ávexti og grænmeti á stykkjaverði! Þetta gerum við bæði til að auka gagnsæi til viðskiptavina okkar sem vita um leið hvað varan kostar – og til að einfalda innleiðingu á tæknilausnum.
14. mars 2022
Skannað og skundað var valin stafræna lausn ársins 2021 hjá Samtökum vefiðnaðarins (SVEF).
24. janúar 2022
Krónu vinir eru ánægðustu viðskiptavinirnir á matvælamarkaði 5. árið í röð samkvæmt niðurstöðum Íslensku ánægjuvogarinnar.
29. október 2021
Við höfum nú úthlutað um sjö milljónum króna til 25 verkefna í formi samfélagsstyrkja til verkefna sem hvetja til hollustu og hreyfingar barna og/eða verkefna sem hafa jákvæð áhrif á uppbyggingu í nærsamfélagi Krónunnar.
