Krónan dregur verulega úr plastnotkun með nýjum umbúðum

Við í Krónunni munum á næstunni taka mikilvægt skref í átt að minni umbúðaúrgangi með því að innleiða nýjar umbúðir fyrir valdar hakkvörur. Í stað hefðbundinna bakka með plastfilmu verða vörurnar nú seldar í svokölluðum "pillow pack" umbúðum sem eru bæði léttari og umhverfisvænni.

Með breytingunni dregur Krónan úr plastnotkun um rúmlega 60% samanborið við fyrri umbúðir. Það jafngildir um það bil 8 tonnum af plasti á ársgrundvelli og er liður í markvissri vinnu fyrirtækisins að draga úr umbúðaúrgangi og bæta umhverfisáhrif vöruframboðsins.

Til að byrja með eru umbúðirnar notaðar fyrir tvær vörur, Krónu ungnautahakk og Ódýrt nautgripahakk. Ungnautahakkið er íslensk gæðavara í minni pakkningu (400 gr), á meðan nautgripahakkið er stærri (700 gr) og hagkvæmari kostur fyrir verðnæma viðskiptavini. Kílóverð lækkar á báðum vörum við þessar breytingar.

Með þessum breytingum höldum við áfram áfram að þróa vöruúrvalið okkar með sjálfbærni, gæði og hagkvæmni að leiðarljósi.