Frábær stemning á krúttlegasta hjólamóti landsins!

Það var heldur betur stuð og stemning í Öskjuhlíðinni um helgina þegar um 400 krakkar á aldrinum 2–12 ára tóku þátt í Krónuhjólamóti Hjólaskólans og Tinds.

Yngstu keppendurnir sprettu úr spori á sparkhjólum en þeir eldri tóku þátt á reiðhjólum og hjóluðu um brautirnar í Öskjuhlíðinni. Að keppni lokinni fengu allir þátttakendur glæsilega verðlaunagjöf frá Krónunni; poka með sippubandi og skotbolta, leikjahandbók og medalíu sem fær framhaldslíf sem endurskinsmerki. BMX BRÓS mættu að sjálfsögðu á svæðið og sýndu listir sínar við mikinn fögnuð.

Við viljum þakka okkar frábæru samstarfsaðilum, Hjólaskólanum og Tind, kærlega fyrir skipulagningu og framkvæmd á þessum flotta degi. Við erum stolt af því að styðja við hjólreiðar og hreyfingu meðal yngstu kynslóðarinnar. Framtíðin er svo sannarlega björt hjá þessum hjólagörpum!