© 2026 - Krónan
Kt. 711298 2239
Skrifstofa Krónunnar
Sími: 585 7000
Dalvegur 10-14
201 Kópavogur
kronan@kronan.is
10. janúar 2024
Krónan eykur þjónustu á Norðurlandi eystra
Húsvíkingar bætast nú við hóp Norðlendinga sem geta pantað matinn sinn heim í Snjallverslun Krónunnar. Opnað verður fyrir pantanir á Húsavík í dag, fimmtudag og munu fyrstu pantanir berast bæjarbúum mánudaginn 15. janúar. Mikil eftirspurn hefur verið eftir þjónustunni á svæðinu og nú þegar hefur Krónan hafið heimsendingar á Akureyri, Dalvík, Ólafsfjörð og Siglufjörð.
Spurt og svarað - Snjallverslun Krónunnar
Krónan hefur síðastliðin ár unnið að því að auka við og efla dreifingu Snjallverslunar á landsbyggðinni og hefur nú Norðurland eystra bæst í hóp þeirra landssvæða sem Krónan þjónustar.
„Upplifunin hefur breyst mikið hjá okkar viðskiptavinum á aðeins fáeinum árum með tilkomu fleiri valkosta þegar kemur að því að versla í matinn. Með nýrri tækni getum við hugsað dæmið upp á nýtt og þjónustað landsbyggðina betur með bættu aðgengi að fjölbreyttu vöruúrvali á lágu verði, óháð staðsetningu viðskiptavina. Við erum spennt að sjá hvernig Húsvíkingar taka á móti okkur en vel hefur verið tekið í heimsendingar af íbúum í þeim bæjarfélögum sem nú þegar geta nýtt þjónustuna. Þetta er mikill ávinningur fyrir Krónuna og ekki síst viðskiptavini og stefnum við á enn frekari dreifingu á landsbyggðinni í náinni framtíð,“ segir Guðrún Aðalsteinsdóttir, framkvæmdastjóri Krónunnar.
Allar pantanir verða teknar saman í verslun Krónunnar á Akureyri og hefur undirbúningur og ferlið í heild gengið afar vel að sögn Bjarka Kristjánssonar, verslunarstjóra Krónunnar á Akureyri.
„Það ríkir mikil spenna meðal íbúa þessa svæðis að fá loks að nýta sér heimsendingu í gegnum Snjallverslun Krónunnar enda hefur lengi verið beðið eftir þessari þjónustu í nágrenni Akureyrar. Við vonum að eftirspurnin verði góð en hún hefur farið fram úr okkar björtustu vonum á þeim svæðum sem Krónan hefur nú þegar hafið heimsendingar, á Akureyri, Dalvík, Ólafsfirði og Siglufirði. Þjónustunnar er beðið með eftirvæntingu á Húsavík og verður spennandi að sjá hvernig viðtökurnar verða,“ segir Bjarki.
Viðskiptavinir á Norðurlandi eystra og landinu öllu fá fría heimsendingu ef pantað er fyrir 18 þúsund krónur eða meira í Snjallverslun. Hægt er að nálgast Snjallverslun hér á vefnum eða í appinu:
