Frábær stemning á Krónuhjólamótinu!

Það var sannkölluð gleðisprengja þegar Krónuhjólamót Tinds og Hjólaskólans fór fram við Perluna á sl. laugardag!🎉

Alls tóku um 400 kátir krakkar á aldrinum 2–12 ára þátt og sýndu hæfileika sína á allskonar hjólum. Áhorfendur hvöttu krakkana áfram með miklum krafti og var stemmingin frábær!

Yngstu þátttakendurnir, aðeins tveggja ára gamlir, kepptu á sparkhjólum en eldri krakkarnir, 6–12 ára, hjóluðu 2–3 kílómetra hringi í Öskjuhlíðinni – mismunandi fjölda hringja eftir aldri.

Krónuhjólið var á svæðinu með gómsæta ávexti fyrir bæði keppendur og aðstandendur og fengu keppendur glæsilega gjöf að keppni lokinni. BMX brós mættu á svæðið og léku listir sínar með ótrúlegum hætti.

Takk fyrir frábæra þátttöku á þessum krúttlega viðburði!🚴‍♀️🍎