1. apríl 2025
Aprílgabb! - Krónulúgan opnar í Garðabæ í dag
Bílalúga mun bætast við þær þjónustulausnir sem Krónan býður upp á því í dag opnar formlega Krónulúgan við verslun Krónunnar í Garðabæ. Lúgunni er ætlað að einfalda líf viðskiptavina enn frekar þar sem nú verði hægt að sækja pantanir úr Snjallverslun eða versla að hámarki tíu vörur og fá afhent í lúgunni. Krónulúgan verður opin allan sólarhringinn, alla daga vikunnar og er því um byltingarkennda þjónustu að ræða þar sem viðskiptavinurinn þarf aldrei að stíga út úr bílnum.
Freyja Leópoldsdóttir, forstöðumaður markaðsmála og sjálfbærni hjá Krónunni, segir að fjöldinn allur af viðskiptavinum hafi beðið um þessa þjónustu í gegnum tíðina. Krónan er því spennt að geta loksins kynna þessa byltingarkenndu framtíðarlausn í matvöruverslun fyrir Íslendingum.
„Krónulúgan er frábær kostur fyrir þau sem vilja nýta sér fljótlegar lausnir í amstri dagsins. Verslun okkar á Akrabraut í Garðabæ er miðsvæðis á höfuðborgarsvæðinu og því hin fullkomna staðsetning fyrir sólarhringsþjónustu sem þessa. Við hlökkum til að taka á móti viðskiptavinum okkar í flottustu bílalúgu landsins og vonum að sem flest líti við þegar lúgan verður formlega opnuð í dag,“ segir Freyja um Krónulúguna.
Sóley Bjarkadóttir, verslunarstjóri Krónulúgunnar tekur á móti afgreiðslu.
20. maí 2025
Vel heppnað Krónuhjólamót 18. maí sl. í samstarfi við HFA og Akureyrardætur
16. maí 2025
Ítalía er matarkista Evrópu og því vel við hæfi að bjóða Krónuvinum í ítalska veislu í Krónunni í maí.
13. maí 2025
Hjólamót fyrir hressa krakka á aldrinum 2-12 ára
22. apríl 2025
Við erum að fara í endurbætur á Krónunni Vallakór og verður versluninni lokað á meðan, frá og með fimmtudegi 24. apríl.
