Lýðheilsa
Heilsusamlegar og sjálfbærar venjur í daglegum innkaupum viðskiptavina okkar skipta okkur miklu máli, og því vinnum við markvisst að því að tryggja ferskustu mögulegu vöruna á eins hagstæðu verði og kostur er – alla daga, allan ársins hring. Lýðheilsumál hafa verið hluti af okkar starfsemi og gildum frá upphafi. Lýðheilsustefna Krónunnar skerpir sýn okkar í þessum málaflokki og tengir hann betur við okkar framtíðarsýn. Þrír grunnstólpar lýðheilsustefnunnar eru upplýst val, hollt og gott vöruúrval allan ársins hring og stuðningur við samfélagsleg verkefni.
Biti fyrir börnin
Biti fyrir börnin er verkefni sem hefur verið starfrækt frá árinu 2016. Við vitum að börn hafa ekki alltaf þolinmæði fyrir heimsókn í matvöruverslanir eftir skóla og því viljum við bjóða upp á holla og góða næringu til að gleðja yngstu viðskiptavini okkar og róa svanga maga. Þess vegna bjóðum við upp á ókeypis ávexti fyrir börnin í upphafi innkaupaferðanna sem þau geta nartað í á meðan foreldrarnir gera sín innkaup.
Uppröðun í verslun
Það er ekki tilviljun að það fyrsta sem tekur á móti viðskiptavinum Krónunnar eru ávextir og grænmeti. Í Krónunni höfum við tekið meðvitaða ákvörðun um að forgangsraða hollari valkostum innan okkar verslana. Þannig höfum við breytt uppröðun á gosi svo að hollari kostir eins og sódavatn mæti viðskiptavinum á undan sykruðu gosi og hnetur á undan snakki. Eini nammibarinn í Krónunni er í ávaxta- og grænmetisdeildinni þar sem stórir og smáir viðskiptavinir geta valið sér ávexti í poka á gleðilega góðu verði.
Upplifun viðskiptavina
Upplifun viðskiptavina nær einnig yfir stafræna heim Krónunnar. Heillakarfan er lausn í Krónuappinu sem er hönnuð til að hvetja til heilsusamlegri og umhverfisvænni innkaupa með því að umbuna fyrir val á vörum sem eru betri fyrir fólk og jörðina. Viðskiptavinir safna stigum sem styðja þá í að ná mánaðarlegum markmiðum og festa í sessi góðar venjur. Viðmiðin byggja á heildrænni sýn þar sem meðal annars er litið til lýðheilsu, umhverfisáhrifa,
umbúða, endurnýtingar og lífrænna vottana. Heillakarfan er mikilvægur þáttur í að tengja stafræna þróun við framtíðarsýn okkar um að gera sjálfbæran lífsstíl að daglegri venju. Með skýrum vísbendingum á réttum tíma viljum við gera fólki auðveldara að velja betur, og sérstakt tákn leiðir viðskiptavini að þeim vörum sem teljast til Heillavara.
Best núna
Við leggjum metnað í að bjóða upp á ferskvöru í hæsta gæðaflokki og þar fylgjum við takti náttúrunnar og leggjum áherslu á það besta sem náttúran hefur upp á að bjóða. Í hverjum mánuði bjóðum við fram árstíðabundna uppskeru sem við viljum draga athygli viðskiptavina Krónunnar að í ávaxta- og grænmetisdeildinni okkar. Þannig hjálpum við þeim að velja gæðavöru og gera góð kaup í leiðinni.
Sérmerkingar
Við vitum að innihald, uppruni og eiginleikar vörunnar skipta viðskiptavini okkar sífellt meira máli. Í Snjallverslun og með rafrænu hillumiðum Krónunnar er búið að auðvelda upplýsingalæsi – þar er ekki aðeins miðlað verði vörunnar heldur einnig sérmerkingum eins og ódýrt, vegan, lífrænt, glútenlaust og Svansvottað.
Opnunartímar
Gjafakort
Um okkur
Sækja um starf
Hafa samband
Skrá á póstlista
Leita að kvittun
Tilkynningar- og uppljóstrunargátt
© 2026 - Krónan
Kt. 711298 2239
Skrifstofa Krónunnar
Sími: 585 7000
Dalvegur 10-14
201 Kópavogur
kronan@kronan.is