Krónan afhendir samfélagsstyrki um allt land

Krónan hefur nú veitt samfélagsstyrki um allt land en alls hlutu 17 verkefni styrk fyrir fjölbreytt verkefni. Samfélagsstyrkir Krónunnar snúast um að styðja við verkefni sem geta haft raunveruleg og jákvæð áhrif á samfélögin í nærumhverfi Krónunnar.

Líkt og síðustu ár er áherslan á lýðheilsu, hreyfingu, útiveru og umhverfisfræðslu. Meðal styrkþega eru verkefni sem snúa að útikennslu, íþróttastarfi og reiðnámskeiði fyrir börn með fatlanir. Fjögur Bambahús bætast einnig við í ár, en þau skapa börnum tækifæri til að læra um ræktun, hringrásarhagkerfið og uppruna matvæla með því að taka sjálf þátt.

Við erum stolt af því að geta stutt við fólkið sem sér tækifærin í sínu nærsamfélagi og lætur góðar hugmyndir verða að veruleika. Við óskum styrkþegum innilega til hamingju og hlökkum til að fylgjast með verkefnunum vaxa og dafna!

Verkefnin sem hlutu styrk í ár:
Höfuðborgarsvæðið

Íþróttafélagið Leiknir í Breiðholti, fyrir uppbyggingu á borðtennisdeild félagsins
Heilsuleikskólinn Urðarhóll í Kópavogi, fyrir þreföldu Bambahúsi
Leikskólinn Hlíðarendi í Hafnarfirði, fyrir þreföldu Bambahúsi
Leikskólinn Hæðarból í Garðabæ, fyrir þreföldu Bambahúsi
Leikskólinn Jörfi í Reykjavík, fyrir þreföldu Bambahúsi

Suðurnes

Háaleitisskóli á Ásbrú í Reykjanesbæ, fyrir uppbyggingu á bogfimikennslu

Suðurland

Íþróttafélagið Skyttur á Hvolsvelli, fyrir píludeild fyrir börn
Íþróttafélagið ÍBV í Vestmannaeyjum, fyrir eflingu íþróttastarfs yngri flokka
Grunnskólinn í Þorlákshöfn, fyrir heilsueflandi námsumhverfi
Voices of Vík, fyrir menningarviðburði
Foreldrafélag Leikskólans Sjónarhóls á Höfn í Hornafirði, fyrir uppbyggingu á útileiksvæðinu Hrossó
Frístundaheimili Árborgar á Selfossi, fyrir kaup á plokkstöngum
Hestamannafélagið Sleipnir á Selfossi, fyrir reiðnámskeið fyrir börn með fatlanir

Vesturland