22. apríl 2024
Í tilefni af alþjóðlegum degi jarðar, sem haldinn er 22. apríl ár hvert, býður Krónan viðskiptavinum sínum að taka strætisvagn í matvörubúðina til að draga úr umferð einkabílsins á alþjóðadeginum og leggja þannig sitt af mörkum til umhverfisvænni ferðamáta.
Framtak Krónunnar til dags jarðar í ár verður unnið í samstarfi við Strætó bs., og fá öll sem mæta með fjölnota innkaupapoka í strætó á höfuðborgarsvæðinu frítt far með vagninum í dag. Billboard ehf. leggja einnig sitt á vogaskálarnar og sjá til þess að framtakið fari ekki framhjá neinum.
Með framtakinu viljum við slá tvær flugur í einu höggi - hvetja til umhverfisvænni ferðamáta og minna á fjölnota pokann í leiðinni.
Sjáumst í strætó!
1. nóvember 2024
Heillakarfan hlaut Hvatningarverðlaun CreditInfo og Festu fyrir framúrskarandi sjálfbærni og nýsköpun.
23. október 2024
Viðurkenningarhátíð Jafnvægisvogarinnar, hreyfiaflsverkefni Félags kvenna í atvinnulífinu (FKA), var haldin fimmtudaginn 10. október og hlutu 130 fyrirtæki viðurkenningu fyrir að hafa náð markmiði um jöfnun kynja í efsta lagi stjórnunar fyrirtækisins.
23. október 2024
40 keppendur skiluðu inn glæsilegum graskerum og vöktu þau gríðarlega lukku meðal viðskiptavina Krónunnar um helgina.
1. október 2024
Matarbúrið verður í stærstu verslunum Krónunnar næstu sex vikurnar.
