Krónan veitir samfélagsstyrki um allt land!

Nú er það ljóst hvaða fjórtán verkefni hljóta Samfélagsstyrk Krónunnar í ár!

Verkefnin eru eins fjölbreytt og þau eru mörg en eiga það sameiginlegt að stuðla að aukinni umhverfisvitund eða bættri lýðheilsu, þar sem sérstök áhersla er lögð á börn og ungmenni. Verkefnin eiga það einnig sameiginlegt að styðja við nærsamfélög Krónuverslana um allt land, til dæmis gefum við styrki fyrir hjólabraut á Austfjörðum og sparkvöll á Akranes.

Af þessum fjórtán verkefnum gefum við einnig fjögur bambahús víðsvegar um landið. Í Bambahúsum er hægt að rækta bæði grænmeti og ávexti allan ársins hring og með þeim er hægt að fræða um umhverfismál, matvæli og hringrás lífsins á líflegan hátt. Okkur þykir einstaklega vænt um þetta samstarf þar sem verkefnið ýtir undir heilbrigðan lífsstíl og vekur forvitni á því hvaðan matvæli koma.

Meðal styrkhafa á höfuðborgarsvæðinu eru unglingadeild Björgunarsveitar Hafnafjarðar, Reiðhjólabændur, Gigtarfélag íslands.

Við óskum styrkþegum innilega til hamingju og hlökkum til að sjá verkefnin vaxa og dafna!