26. apríl 2023
Föstudaginn 5. maí frumsýnir Urbania í samstarfi við Þjóðleikhúsið og Krónuna á Granda, leiksýninguna Aspas eftir rúmenska leikskáldið Gianina Cărbunariu. Aspas er fyrsta leikstjórnarverkefni Guðrúnar Gísladóttur leikkonu en leikarar eru Eggert Þorleifsson og Snorri Engilbertsson. Leikið er í Krónunni á Granda á opnunartíma verslunarinnar. Aðgangur á sýninguna er ókeypis en takmarkaður fjöldi áhorfenda kemst að hverju sinni og verkið verður aðeins sýnt 10 sinnum.
Sjá nánar um leiksýningu Aspas
Mörkin milli flytjenda og áhorfenda, leikhúsgesta og viðskiptavina verða óljós og útkoman er leikhús þar sem allt getur gerst. Þetta er í fyrsta skipti sem leiksýning er sett á svið inni í stórmarkaði. Gestir hlusta á verkið í heyrnartólum sem afhent eru við komu og fylgja leikurunum tveimur eftir í gegnum verslunina á meðan sýningu stendur, en hún er um 45 mínútur að lengd.
Tveir karlmenn, eldri borgari og erlendur farandverkamaður, rekast hvor á annan við grænmetisborðið í stórri lágvöruverðsverslun. Þeir gefa hvor öðrum auga. Þeir hugleiða líf sitt. Svo koma nýjustu tilboðin.
Filippía Elísdóttir og Guðrún S. Gísladóttir, undir merkjum leikhópsins Umheimur, hafa veg og vanda af sýningunni en hún er sett upp í samstarfi Urbaniu, Krónunnar og Þjóðleikhússins. Aspas er í senn bráðfyndið og sársaukaþrungið verk þar sem fjallað er um mismunun og fordóma, mannleg samskipti og geymsluþol grænmetis í skugga verslunar og viðskipta á öld þjóðflutninga og tækifæra, offramboðs og ójöfnuðar.
2. desember 2024
Samfélagsstyrkur Krónunnar var veittur á haustmánuðum.
28. nóvember 2024
Við höfum opnað glæsilega og endurbætta verslun okkar á Bíldshöfða.
25. nóvember 2024
Krónan hlaut á dögunum viðurkenningu fyrir bestu fjárfestingu í hönnun á Hönnunarverðlaunum Íslands 2024 og er til fyrirmyndar í margvíslegu samstarfi sínu við hönnuði, þar sem rauði þráðurinn er aukin umhverfisvitund og sjálfbærni.
18. nóvember 2024
Dagana 16.-24. nóvember stendur Evrópska nýtnivikan yfir en markmið átaksins er að hvetja fólk til að draga úr óþarfa neyslu, nýta hluti betur og draga þannig úr myndun úrgangs.
1. nóvember 2024
Heillakarfan hlaut Hvatningarverðlaun CreditInfo og Festu fyrir framúrskarandi sjálfbærni og nýsköpun.
23. október 2024
Viðurkenningarhátíð Jafnvægisvogarinnar, hreyfiaflsverkefni Félags kvenna í atvinnulífinu (FKA), var haldin fimmtudaginn 10. október og hlutu 130 fyrirtæki viðurkenningu fyrir að hafa náð markmiði um jöfnun kynja í efsta lagi stjórnunar fyrirtækisins.
