1. júlí 2021
Svartir ruslapokar hættir í sölu
Sölu á svörtum ruslapokum hefur nú verið hætt í Krónunni en glærir ruslapokar koma þeirra í stað. Tilgangurinn með breytingunni er að stuðla að aukinni endurvinnslu og að efla hringrásarhagkerfið en frá deginum í dag eiga viðskiptavinir Sorpu að koma með allan úrgang og endurvinnanlegt efni í glærum pokum á endurvinnslustöðvar. Glæru pokunum er ætlað að auðvelda starfsfólki endurvinnslustöðvanna að aðstoða viðskiptavini að skila endurvinnsluefnum í réttan farveg.
Krónan leggur mikla áherslu á umhverfisvernd og leggur því sitt af mörkum með því að tryggja að í öllum verslunum sé gott úrval af glærum plastpokum. Með því að hætta að selja svörtu ruslapokana erum við ekki bara að styðja Sorpu í þeirra mikilvægu vegferð heldur erum við jafnframt að einfalda viðskiptavinum okkar lífið. Samtal og samvinna í umhverfisverndarverkefnum er lykillinn að árangri. Við í Krónunni erum heppin að eiga í virku samtali við okkar samstarfsaðila og viðskiptavini og hafa margar af okkar mikilvægustu aðgerðum í umhverfismálum orðið til í kjölfar slíkra samtala.
Glærir pokar auðvelda rétta flokkun endurvinnsluefna
Sorpa hóf fyrstu skrefin í þessa átt í lok apríl en viðskiptavinir höfðu til 1. júlí að klára birgðir sínar af svörtum ruslapokum. Stuðningur atvinnulífsins skiptir lykilmáli fyrir innleiðingu hringrásarhagkerfisins og Krónan hefur sýnt mikilvægt fordæmi með framsæknum aðgerðum sínum í þágu umhverfisins.
Staðreyndin er því miður sú að meira en helmingurinn af öllu því sem viðskiptavinir okkar skila í gáminn fyrir blandaðan úrgang á sér endurvinnslufarvegi og endar því í urðun að ósekju. Ákvörðun Krónunnar um að hætta að selja svarta ruslapoka er því mikilvæg og er afgerandi stuðningur við glæru pokana og markmið eigenda SORPU um að hætta að urða endurvinnanlegan úrgang,“ segir Jón Viggó Gunnarsson, framkvæmdastjóri Sorpu.
19. júní 2025
Bergið Headspace miðar að því að veita ungmennum á aldrinum 12 til 25 ára fría ráðgjöf og aðstoð til að bæta líðan og auka virkni þeirra í samfélaginu.
19. júní 2025
Krónan gefur í á Vesturlandi.
19. júní 2025
Heimsendingarþjónusta Krónunnar hefur nú útvíkkað um Austurland.
