Bændamarkaður í öllum verslunum Krónunnar

Bændamarkaður í verslunum Krónunnar um land allt kemst á fullt nú um helgina með fjölbreyttu úrvali fersku og ópökkuðu grænmeti beint frá býli íslenskra garðyrkjubænda hvaðanæva að á landinu.

Þetta er í áttunda sinn sem Bændamarkaður Krónunnar er haldinn og hafa vinsældir hans meðal viðskiptavina hafi farið vaxandi ár frá ári. Má í því sambandi nefna að á markaðnum í fyrra seldust yfir 100 tonn af nýuppteknu íslensku grænmeti samanborið við 30 tonn þegar bændamarkaðurinn var fyrst haldinn árið 2012. Búist er við enn meira magni í ár sem mun endalega ráðast af framboði hverju sinni frá garðyrkjubændum landsins og er því breytilegt hve marga daga markaðnum er haldið úti hverju sinni.

Allt íslenska grænmetið á Bændamarkaði Krónunnar er tínt eða tekið upp með reglulegu millibili dagana sem markaðurinn stendur. Það berst því nýtt og ópakkað frá bændum landsins til verslana Krónunnar og getur því ekki verið mikið ferskara en það. Fyrir okkur er Bændamarkaðurinn meira en bara viðburður - hann er hornsteinn íslensks landbúnaðar og uppskeruhátíð sem ýfir upp íslenska matarmenningu og styður við staðbundna framleiðslu.

Við hlökkum mikið til að taka á móti viðskiptavinum okkar og minnum á að muna eftir poka!