18. nóvember 2024
Dagana 16.-24. nóvember stendur Evrópska nýtnivikan yfir en markmið átaksins er að hvetja fólk til að draga úr óþarfa neyslu, nýta hluti betur og draga þannig úr myndun úrgangs.
Þema ársins í ár er matarsóun undir slagorðinu Það er óbragð af matarsóun! Sérstök áhersla er lögð á nýtingu afganga og eru bæði fyrirtæki og almenningur hvött til þess að leggja sitt af mörkum til að sporna gegn matarsóun með því að gefa afgöngunum gaum.
Matarsóun á Íslandi jafngildir um 160 kílóum á hvern íbúa á ári. Tæpur helmingur allrar matarsóunar á sér stað í frumframleiðslu matvæla en um 40% á heimilum. Lágmörkun matarsóunar er loftslagsmál, efnahagsmál og mikilvægur þáttur í innleiðingu hringrásarhagkerfisins.
Sem matvöruverslun hefur Krónan haft minnkun matarsóunar í brennidepli en það er stór hluti af okkar samfélagslegu ábyrgð. Við spornum gegn matarsóun í allri aðfangakeðjunni – allt frá innkaupum og vörustýringu til sölu á matvöru sem er að renna út á tíma. Við hendum aldrei mat sem enn er neysluhæfur og flokkum í lífrænar tunnur þegar matvaran er ónýt.
Við höfum kortlagt ferlið til að skilja betur hvar mesta matarsóunin á sér stað og hvaða aðgerðir við getum gert til að draga úr þeim. Vikulega mælum við og greinum matarsóun okkar reglulega, rýnum í afhverju matvæli eru að fara á síðasta séns og hvernig við getum spornað gegn því.
Vikan er tilvalin í að taka meðvitaðar ákvarðanir í innkaupum, og nýta það sem til er. Við mælum innilega með því að kaupa á síðasta séns í Krónunni, þar finnur þú matvæli sem hafa verið lækkaðar í verði og ennþá góðar til að neyta - í þokkabót fæst stig í Heillakörfunni fyrir slíkar vörur!
Skrifaðu innkaupalista. Farðu yfir það sem er til nú þegar í ísskápnum, og bættu við til að skapað úr þeim máltíðir. Gott er að áætla þrjár til fjórar kvöldmáltíðir á viku en nýta svo afganga aðra daga. Hægt er að nýta sér innkaupalistann í Krónuappinu.
Áttu mikið af hálfskornu grænmeti eða brauðafgöngum sem þú veist ekki hvað þú átt að gera við? Hér eru nokkrar uppskriftir sem hægt er að aðlaga að því sem til er í ísskápnum hverju sinni:
28. nóvember 2024
Við höfum opnað glæsilega og endurbætta verslun okkar á Bíldshöfða.
25. nóvember 2024
Krónan hlaut á dögunum viðurkenningu fyrir bestu fjárfestingu í hönnun á Hönnunarverðlaunum Íslands 2024 og er til fyrirmyndar í margvíslegu samstarfi sínu við hönnuði, þar sem rauði þráðurinn er aukin umhverfisvitund og sjálfbærni.
1. nóvember 2024
Heillakarfan hlaut Hvatningarverðlaun CreditInfo og Festu fyrir framúrskarandi sjálfbærni og nýsköpun.
23. október 2024
Viðurkenningarhátíð Jafnvægisvogarinnar, hreyfiaflsverkefni Félags kvenna í atvinnulífinu (FKA), var haldin fimmtudaginn 10. október og hlutu 130 fyrirtæki viðurkenningu fyrir að hafa náð markmiði um jöfnun kynja í efsta lagi stjórnunar fyrirtækisins.
