Frábært Krónuhjólamót á Akureyri að baki!

Það var frábær stemning á Krónuhjólamóti Hjólreiðafélags Akureyrar og Akureyrardætra í Kjarnaskógi á Akureyri um helgina þegar tæplega 100 börn á aldrinum 2-12 ára tóku þátt og stóðu sig frábærlega. Veðrið lék við þátttakendur og BMX Brós lokaði mótinu með frábærri sýningu og hjólaþrautabraut fyrir krakkana.

Krónuhjólamótið hefur verið haldið í Öskjuhlíðinni undanfarin ár en í fyrsta skipti í Neskaupstað í júní. Nú var það haldið í annað skipti á Akureyri.

Við þökkum vinum okkar og samstarfsfélögum í Hjólreiðafélagi Akureyrar og Akureyrardætrum og BMX Brós fyrir frábært samstarf og hlökkum til að koma aftur norður að ári.