Af hverju að velja grænni kosti?

Samkvæmt ráðleggingum Embættis landlæknis ættum við að leggja áherslu á fjölbreytta fæðu úr jurtaríkinu. Ríkt mataræði af grænmeti og ávöxtum dregur úr líkum á hjarta- og æðasjúkdómum og nokkrum tegundum krabbameina.

Almennt gildir að mataræði sem hefur jákvæð áhrif á heilsuna hefur einnig minni áhrif á umhverfið. Fæðutegundir úr jurtaríkinu, eins og ávextir, grænmeti, kornvörur, hnetur og belgjurtir eru því mun umhverfisvænn kostur. En hvaða næringarefni fáum við úr grænmeti og öðru plöntumiðu mataræði?

• Góðir próteingjafar eru til dæmis baunir, ertur, linsur og tófú.

• Steinefni er að finna í dökkgrænu grænmeti eins og spínati, grænkáli en einnig banönum og möndlum. Plöntumjólk inniheldur oft viðbætt steinefni.

• Í ýmsum grænmetistegundum eru trefjar, til dæmis rótargrænmeti eins og rófum, gulrótum og sellerírót en einnig baunum, ávöxtum, höfrum og heilkornum.

• Ýmis vítamín fást úr ávöxtum eins og appelsínum, kiwi og jarðaberjum, en einnig rauðu og appelsínugulu grænmeti eins og papriku og gulrótum. Í því er beta-karótín sem verður að A-vítamíni.

• Góða og holla fitu er hægt að fá úr jurtaolíum, hnetum og fræjum.