Bændamarkaður hefst í dag!

Bændamarkaður Krónunnar hefst í dag í öllum verslunum um land allt. Markaðurinn er nú haldinn í tíunda sinn en þar verður boðið upp á ferskt og ópakkað íslenskt grænmeti sem berst reglulega frá garðyrkjubændum í verslanir. Á síðasta markaði seldust rúmlega 145 tonn, samanborið við 30 tonn þegar markaðurinn var fyrst haldinn árið 2012. Selt magn hefur því nær fimmfaldast frá fyrsta markaði.

Áætlað er að markaðurinn standi í fjórar helgar, frá föstudegi til sunnudags, en lengd hans og vöruúrval ræðst af uppskeru og framboði frá bændum. Alls taka 20 bændur þátt í ár og verður boðið upp á yfir 30 tegundir af nýuppteknu íslensku grænmeti. Grænmetið kemur víða að, meðal annars frá Flúðum, Reykholti, Laugarás, Vík, Hveravöllum og Varmalandi.

Hlökkum til að sjá ykkur á Bændamarkaðnum um helgina!