Í samstarfi við Gestgjafann.

Stökkir brauðteningar

Hitið ofn í 180°C. Setjið brauðið í skál og hellið olíu yfir, nuddið henni saman við með fingrunum þannig að hún blandist vel saman við allt brauðið.

Setjið á ofnplötu með bökunarpappír undir, sáldrið yfir örlitlu salti.

Bakið í 15-20 mín. eða þar til brauðið er stökkt að utan en örlítið mjúkt að innan.

Takið úr ofninum og látið kólna.

Blómkálssúpa

Hitið olíu í stórum potti og stillið á háan hita.

Steikið blaðlauk, lauk og hvítlauk saman í 5-7 mín. eða þar til mjúkt.

Bætið við blómkáli og steikið í 5-6 mín.

Hellið soði yfir og hitið að suðu.

Lækkið örlítið undir pottinum og látið malla í 10-12 mín. eða þar til blómkálið er mjúkt.

Bætið við tófú, salti og pipar.

Maukið súpuna með töfrasprota þar til hún er kekkjalaus.

Skiptið súpunni á milli skála, setjið svolítið af grænu pestói yfir.

Rífið yfir parmesanost og berið fram með stökkum brauðteningum.