Fallback alt
Heillakarfan

Jákvæðar venjur í daglegum innkaupum

Heillakarfan er ný lausn í Krónuappinu sem telur stig fyrir vörur úr þínum innkaupum sem eru þér og umhverfinu til heilla. Heillakarfan hjálpar þér að skapa jákvæðar venjur í daglegum innkaupum. Vöruflokkar sem gefa stig eru tíu talsins og eru valdir út frá heildrænni sýn. Horft er á þætti eins og umhverfi, lýðheilsu, endurnýtingu, umbúðir og vottanir.

Þú getur stillt mánaðarleg markmið, fengið yfirsýn yfir vörur sem hafa gefið þér stig og borið saman við síðustu mánuði.

Til að virkja körfuna þarf bara að sækja nýjustu útgáfu af Krónuappinu.

Hér er hægt að uppfæra í nýjustu útgáfu:

Ertu með ábendingu?

Við fögnum þeim, sendu okkur línu..

Hvaða vöruflokkar telja í Heillakörfuna?

Fairtrade
Fairtrade

Hefur oft verið þekkt sem sanngirnisvottun, en vottunin tryggir sanngjarnari vinnuskilyrði og samninga fyrir bændur og verkafólk í þróunarlöndum. Með Fairtrade vottun hafa bændur og verkafólk meiri réttindi, frekari stjórn yfir sínum starfshögum og hvernig þau fjárfesta í sinni framtíð.

Umhverfisvottun
Umhverfisvottun

Svanurinn er samnorrænt umhverfismerki með það að markmiði að draga úr umhverfisáhrifum af vörum eða þjónustu og auðvelda neytendum að velja umhverfisvænni kosti. Kröfur Svansins tryggja að vottuð vara er betri fyrir umhverfið og heilsuna með því að skoða allan lífsferilinn og setja strangar kröfur um helstu umhverfisþætti vöru eða þjónustu. Undir þennan flokk falla líka vörur sem bera Evrópublómið, evrópsku umhverfisvottunina, sem og aðrar umhverfisvottanir.

Síðasti séns
Síðasti séns

Minnkun matarsóunar er eitt af mikilvægari skrefum sem þörf er á til að takast á við loftslagsbreytingar en þriðjungi þeirra matvæla sem framleidd eru á heimsvísu er sóað. Með því að draga úr matarsóun má vernda umhverfið, nýta auðlindir betur og spara fé. Með því að breyta umgengni okkar við mat getum við dregið úr óþarfa sóun.

Ávextir og grænmeti
Ávextir og grænmeti

Ferskt grænmeti og ávextir telja í Heillakörfuna! Grænmeti og ávextir eru mikilvægur hluti af hollu mataræði en hollusta þeirra er meðal annars fólgin í ríkulegu magni af vítamínum, steinefnum og ýmsum öðrum hollum efnum. Í grófu grænmeti er auk þess mikið af trefjum. Þegar borðaðir eru ávextir og mikið af grænmeti eru minni líkur á þyngdaraukningu, hjarta- og æðasjúkdómum, sykursýki af tegund 2 og ýmsum tegundum krabbameina. Ráðlagt er að borða fimm skammta af grænmeti og ávöxtum á dag eða minnst 500 gr. samtals.

Tannvænt
Tannvænt

Tannmerkið á við um sykurlaust tyggjó sem og drykki sem innihalda lægra en 5.5pH gildi sýrustigs. Þeir drykkir teljast því betri fyrir tennurnar en aðrir gosdrykkir.

Plöntuútgáfa af prótíngjöfum
Plöntuútgáfa af prótíngjöfum

Eitt einfaldasta skref sem einstaklingur getur gert til að milda loftslagsáhrif er að tileinka sér mataræði ríkara af plöntufæði, en stærsti hluti kolefnisspors á sér stað í framleiðsluferli matvæla. Einnig hafa rannsóknir sýnt að grænmetisfæði minnkar líkur á kransæðasjúkdómum, háum blóðþrýstingi og sykursýki. Baunir, linsur, hnetur og fræ eru góður og próteinríkur kostur.

Fallback alt
Lífræn vottun

Í lífrænum matvælum eru síður notuð aukaefni í framleiðsluferli, sem styður þannig við líffræðilegan fjölbreytileika. Lífrænar vottanir má aðeins nota á vörur sem hafa verið vottaðar sem lífrænt ræktaðar af viðurkenndri vottunarstofu eða stjórnvöldum. Það þýðir að framleiðendur hafa uppfyllt ströng skilyrði um það hvernig þau verða að framleiða, vinna, flytja og geyma sínar vörur.

Fallback alt
Umbúðalaus lausn

Við erum hlynnt hringrásarhagkerfinu og finnst frábært að sleppa umbúðum þegar það er hægt. Þannig verndum við umhverfið og að flokka verður óþarft. Vörur eins og glerflöskur er hægt að nota mörgum sinnum áður en þeim er fleygt, og með því að koma með eigin umbúðir komum við í veg fyrir aukna framleiðslu. Að sleppa umbúðum er því ein leið til að viðhalda verðmætum auðlinda eins lengi og mögulegt er og minnka þannig umhverfisáhrif okkar.

Fallback alt
Plöntuútgáfa af mjólkurvörum

Eitt einfaldasta skref sem einstaklingur getur gert til að milda loftslagsáhrif er að tileinka sér mataræði ríkara af plöntufæði, en stærsti hluti kolefnisspors á sér stað í framleiðsluferli matvæla. Því hafa aðrir hlutir framleiðsluferlis, eins og flutningur og umbúðir, minni áhrif í stóra samhenginu.

Fallback alt
Endurnýting á burðarpokum

Burðar- og fjölnotapokar kosta allt frá 55-699 kr. Að kaupa poka í hverri búðarferð telur, og með því að koma með poka að heiman nýtum við það sem við eigum nú þegar og spörum þannig bæði krónur og mikilvægar auðlindir og orku. Með því að skila pokum í heimsendingu eða sleppa kaupum á pokum í búðarferð færðu stig.

Ég keypti vöru sem er merkt lífræn og/eða umhverfisvottuð en fékk ekki stig

Obbosí, mannleg mistök við skráningu geta alltaf komið fyrir. Sendu okkur línu ("Hafðu samband") með upplýsingum um hvaða vöru ræðir svo við getum skoðað betur.

Ég sé ekki Heillakörfuna á prófíl skjánum mínum

Til að virkja körfuna þarf bara að sækja nýjustu útgáfu af Krónuappinu.

Hvað þýða þessi stig?

Heillakarfan telur stig fyrir vörur úr 10 vöruflokkum. Vöruflokkarnir eru valdir út frá heildrænni sýn en horft er á þætti eins og umhverfið, lýðheilsu, endurnýtingu, lífrænar merkingar og vottanir. Við stillum þitt mánaðarlega markmið í 40 stig, en þú getur breytt þínu markmiði þegar þér hentar.

Ég og minn maki verslum oft í sitthvoru lagi í Krónuappinu og líka á vefnum. Getum við sameinað stigin okkar í Heillakörfuna?

Ef margir eru að sjá um innkaup heimilisins er upplagt að gera þau í hóp í Snjallverslun og safna þannig stigum í Heillakörfuna á einum stað.

Þú ferð á prófílskjáinn þinn í Krónuappinu (Mín síða) en efst í vinstra horninu ýtir þú á myndina þar sem stendur Búa til hóp. Þar er hægt að búa til og ganga í hópa.

Ég vil ekki nota Heillakörfuna, hvernig tek ég hana út?

Við innskráningu í appið eða á vefinn geturðu afþakkað að Krónan vinni upplýsingar úr kaupsögu til að bæta upplifun þína og þar með afþakkað að stig safnast í þína Heillakörfu.

Krónu karfan

© 2024

-

Krónan

-

Kt. 711298 2239

-

Skrifstofa Krónunnar

-

Sími: 585 7000

-

Dalvegur 10-14

-

201 Kópavogur