Hitið ofninn í 200°C.

Skerið grasker í bita og setjið á bökunarplötu með olíu, salti og pipar. Ristið þar til það er mjúkt.

Skerið sveppi í fernt og kúrbít í teninga. Setjið á aðra plötu með olíu, salti og pipar og ristið þar til það er gullinbrúnt og gegnumsteikt.

Hitið olíu í potti, skerið hvíta hluta vorlauksins og steikið í nokkrar mínútur þar til hann mýkist.

Bætið karrýmaukinu út í og steikið í 1–2 mínútur til viðbótar.

Hellið kókosmjólk, vatni, grænmetisteningi, sojasósu og sykri í pottinn. Látið malla á lágum hita í 15–20 mínútur.

Setjið ristaða graskerið, sveppina og kúrbítinn ofan í karrýið og látið hitna upp. Kreistið lime yfir og smakkið til með salti og chiliflögum.

Toppið með græna hluta vorlauksins, kóríander og lime. Berið fram með hrísgrjónum.