Byrjið á því að hita ofninn í 225°c.

Skolið kjúklingabaunirnar og þerrið vel.

Setjið á bökunarplötu með olíu og kryddið með salti og pipar.

Ristið í ofni í 20–25 mínútur eða þar til þær verða stökkar.

Skerið rauðlaukinn í þunnar sneiðar og setjið í skál.

Stráið yfir salt og kreistið sítrónusafa yfir.

Nuddið vökvann vel í laukinn og látið standa þar til hann mýkist.

Sjóðið bulgur og/eða kúskús eftir leiðbeiningum á pakkanum.

Skerið halloumi í sneiðar og steikið á pönnu með olíu í nokkrar mínútur á hvorri hlið þar til hann fær gylltan lit.

Skammtið bulgur/kúskús í skálar.

Toppið með halloumi, ristuðum kjúklingabaunum, marineruðum rauðlauk, tzatziki og salati úr gúrku og tómötum.

Tzatziki sósa

Rífið gúrkuna og kreistið út umfram vökva.

Blandið saman við sýrðan rjóma, pressaðan hvítlauk, saxaðan kóríander, sítrónusafa, salt og pipar.

Setjið í ísskáp þar til borið er fram.