Pönnubrauð

Blandið saman hráefnunum.

Bætið olíunni og vatninu út í og hnoðið létt.

Skerið í 6 bita og mótið kúlur. Leyfið þeim að standa undir viskastykki í 10 mínútur.

Fletjið út, penslið með ólífuolíu og grillið þar til hvor hlið fyrir sig fær gylltan lit. Það fer eftir grilli og hversu heitt það er en það ætti ekki að taka margar mínútur að grilla hvora hlið fyrir sig.

Setjið undir viskastykki þar til þið berið fram.

Smyrjið á brauðið fetaostasósunni, skerið grænmetið niður og raðið yfir og toppið með grænu pestói, ólífuolíu, salti og pipar.

Vegan fetaostasósa

Stappið fetaostinn með gaffli og setjið í skál.

Bætið restinni af hráefnunum í skálina og hrærið saman.

Smakkið til og bætið við sítrónu, salti og pipar eftir smekk.

Grillað grænmeti:

Skerið grænmetið niður eins og ykkur finnst best.

Grillið þar til ykkur finnst það orðið tilbúið. Athugið að það er oft mismunandi hversu langan tíma grænmetið þarf. Vorlaukurinn þarf bara örfáar mínútur og kúrbítssneiðarnar þurfa ekki langan tíma heldur. Rauðlaukurinn þarf lengri tíma svo hann sé ekki hrár að innan. Gott að fylgjast með og passa að ekkert brenni.

Þetta er mismunandi eftir grillum svo það er erfitt að segja nákvæmlega.