Byrjið á því að skola linsubaunirnar og sjóða þær í 20-25 mínútur. Undirbúið pastasósuna á meðan.

Skerið lauk, gulrætur og sellerí smátt og steikið á pönnu í ólífuolíu í sirka 5 mínútur, eða þar til það hefur mýkst vel.

Bætið við hvítlauk og kryddum og steikið í 2–3 mínútur.

Bætið tómatpúrrunni út í og steikið í 2 mínútur í viðbót.

Bætið niðursoðnum tómötum, sojasósu, chiliflögum, salti og pipar út í og látið malla í sirka 20 mínútur smakkið til með salti og pipar.

Sjóðið pastað á meðan sósan fær að malla. Munið að salta pastavatnið vel. Sjóðið pastað samkvæmt leiðbeiningum á pakkanum, og munið að geyma smá af pastavatninu áður en þið sigtið það.

Hellið vatninu af linsubaununum og bætið út í sósuna. Bætið svo pastanu, pastavatninu og rifnum parmesanosti útí og hrærið saman.

Smakkið til með ólífuolíu, salti og pipar.

Tips: Berið fram með basilíku og baguettebrauði