Í samstarfi við Gestgjafann. Uppskrift: Sólveig Jónsdóttir. Mynd: Gunnar Bjarki

Blandið hveiti, salti og þurrgeri saman í skál ásamt vatninu.

Vinnið deigið saman með sleikju.

Skerið ólífurnar í tvennt og bætið út í deigið ásamt sólþurrkuðum tómötum og salatosti (sleppið olíunni).

Blandið vel saman áður en klútur er settur yfir skálina og deigið látið hefast í 12-18 tíma við stofuhita.

Hitið ofninn í 230°C.

Þegar ofninn er orðinn heitur, takið þá steypujárnspott með loki og setjið í ofninn í 30 mínútur.

Stráið dálitlu hveiti á borðflöt, hvolfið deiginu úr skálinn og mótið það lauslega í kúlu.

Takið pottinn úr ofninum, setjið bökunarpappír í hann, látið deigið í pottinn og lokið ofan á.

Bakið í 30 mín. Takið þá lokið af pottinum og bakið áfram í 15 mín.

Látið brauðið kólna dálítið í pottinum áður en það er fært yfir á grind.

Þetta brauð er best nýbakað með smjöri.