Kveikið á ofninum og stillið á 200°C, undir og yfir hita.

Setjið vatn í pott og náið upp suðunni, bætið salti í pottinn ásamt pastanu, sjóðið pastað í u.þ.b. 10 mín eða þar til það er nánast soðið, smá bit í því ennþá.

Skerið laukinn smátt niður og steikið á pönnu ásamt hakkinu (ef þið notið hakk). Bætið baununum út á pönnuna ásamt niðursoðnu tómötunum og salsa sósunni. Kryddið til með taco kryddinu.

Setjið pastað í eldfast mót og hellið sósunni yfir, blandið saman. Setjið rifinn ost yfir og bakið í u.þ.b. 15 mín eða þar til osturinn er bráðnaður.