Hnoðið með höndum á borðplötu í 9-16 mínútur eða þangað til að deigið er slétt og hægt er að teygja vel á því án þess það slitni.

Setjið deigið í skál og togið í eitt hornið á því, dragið upp og leggið yfir það sjálft. Snúið skálinni og endurtakið fjórum sinnum í heildina þar til þið hafið farið hringinn. Leyfið því að hvíla í 15 mín með plastfilmu yfir sér og endurtakið svo allt ferlið, í heild 4 sinnum.

Smyrjið skál með örþunnu lagi af ólífuolíu, setjið deigið ofan í og breiðið yfir með plastfilmu. Setjið inn í ísskáp yfir nótt eða allt að 2 daga til að gerjast.

Takið deigið úr ísskápnum minnst 3 tímum fyrir eldun og skiptið í tvennt eftir þyngd.

Mótið svo deigið í kúlur. Gott er að smyrja hendurnar með léttilega með ólífuolíu, hnoða fyrsta í kúlu, strekkja svo á henni með höndunum utan um sig sjálfa, klípa endana saman og þar með mynda slétta og stífa kúlu.

Setjið kúlurnar í ílát með þunnu lagi af ólífuolíu með “saums” hliðina niður. Leyfið að hvíla við stofuhita í 1-2 tíma.

Setjið bökunarstál eða pizzasteinn í ofninn á grind, ofarlega fyrir miðju. Ef þið eigið ekki stein eða stál má nota til dæmis steypujárnspönnu eða þykka ofnplötu.

Hitið ofninn á sinn hæsta hita með blæstri (250-350°C). Stundum getur verið gott að nota grillið líka til að hita steininn/stálið en betur, en gætið þá að slökkva á því rétt áður en pizzan fer inn, svo toppurinn á henni brenni ekki.

Rífið ost, blandið sósuna í skál og gerið álegg tilbúin.

Stráið hveiti yfir deigkúlu og leggið á hveitistráið borðið. Gott getur verið að láta toppinn snúa niður.

Fletjið deigið út í um það bil 12 tommur. Gott að byrja með því að ýta því út með puttunum, svo draga það í sundur varlega með flötum lófunum. Svo lyfta því upp og draga í sundur með hnúnum. Ekki beita kökukefli.

Stráið hveiti á pizzaspaða og færið deigið yfir. Setjið sósu, parmesan ost, rifinn ost og pepperoni. Hellið örlítið eða pennslið ólífuolíu á kantinn.

Athugið pizzan getur átt til að festast við spaðann því er gott að hrista hann létt til áður en ofninn er opnaður. Ef hún er föst, lyftið pizzunni upp, kastið hveiti undir og lagið hana svo til.

Skutlið pizzu á heitt stálið eða steininn.

Allir ofnar eru öðruvísi þannig í sumum gæti þurft að snúa henni einu sinni í miðri eldun ef önnur hlið brúnast hraðar en hin.

Þegar kanturinn og áleggið er orðið vel brúnt, jafnvel næstum því að brenna, takið pizzuna út og leggið á bretti.

Toppið með ferskum basil og hot honey. Skerið í sneiðar og berið fram.