Blandið lauknum og saxaðri steinselju saman við.

Tilbrigði

Skiptið út mjólk fyrir buttermilk (áfir) eða rjóma og bætið við 1 msk. af grófkorna Dijon sinnepi.

Hrærið 200 g af mjúkum geitaosti saman við með lauknum.

Skiptið út steinselju fyrir sama magn af söxuðu timíani.

Hunangsgljáðar gulrætur og nípur

Hitið ofninn í 200°C.

Veltið grænmetinu upp úr smá olíu, salti og pipar.

Raðið á álpappírshúðaðar bökunarplötur.

Bakið í 30-35 mínútur þar til léttgrillað að utan og auðvelt að stinga með hníf (ef fleiri en ein bökunarplata, skipta um stað í ofninum eftir 20 mín.).

Bræðið smjör í potti, blandið hunangi og ediki saman við.

Penslið gljáanum yfir grænmetið, saltið og piprið eftir smekk.

Rósakál með beikoni og jólaeplum

Skerið botninn af kálinu og skerið í helminga, sjóðið í söltuðu vatni þar til mjúkt en ekki maukað (8-10 mínútur eftir stærð), hellið í sigti og kælið samstundis með mjög köldu vatni, þerrið.

Steikið beikonið þar til stökkt, þerrið á eldhús pappír, skiljið eftir u.þ.b. 2 tsk. af fitunni í pönnunni.

Bætið við smjöri og hitið, steikið svo eplin með ¼ tsk. af engifer og kanil, mýkið og brúnið örlítið.

Setjið kálið og beikonið aftur í pönnuna og hitið í gegn.

Má sáldra smá hlynsírópi og saxaðri steinselju yfir eftir smekk.