Takið Oumphið úr frysti og leyfið að þiðna aðeins svo hægt sé að skera bitana í helming.

Saxið lauk, pressið hvítlauk og skerið niður sveppi.

Hitið djúpa pönnu eða pott með olíu og steikið lauk og hvítlauk þar til þeir hafa mýkst.

Skerið Oumphið niður, bætið út á pönnuna og steikið í nokkrar mínútur.

Bætið sveppunum á pönnuna og steikið þar til þeir hafa mýkst vel.

Ef pannan verður of þurr er gott að bæta við smá olíu, smjörlíki eða örlitlu vatni.

Saxið rósmarínið niður og bætið út á pönnuna ásamt timían og hveiti.

Leyfið að steikjast í 2 mínútur á meðan þið hrærið.

Bætið rauðvíni, lárviðarlaufi, vatni, grænmetiskrafti og sojasósu út í og leyfið því að malla í sirka 30 mínútur á meðan þið hrærið reglulega í.

Þetta á að vera þykkt, en ef þetta er mjög þurrt er hægt að bæta við smá vatni.

Saltið og piprið eftir smekk.

Takið smjördeigið út og skerið í 12 bita.

Setjið í muffins ofnform svo að smjördeigið klæði formið að innan.

Fyllið svo með fyllingunni og lokið með því að klípa saman hornin á smjördeiginu.

Pennslið með smávegis af vegan matreiðslurjóma.

Bakið við 190°c í 20-30 mínútur eða þar til bökurnar eru gylltar að ofan.