Í samstarf við Víði Hólm

Kalkúnn

Ef kalkúnabringan er frosin leyfið henni að þiðna yfir nótt inni í ísskáp.

Takið smjör úr ísskápnum með góðum fyrirvara eða mýkið í örbylgjuofni.

Saxið alla steinseljuna, rósmarín og salvíu.

Í skál setjið smjörið og hæfilegt magn af kryddunum. En haldið restinni af kryddunum til hliðar fyrir restina af réttinum.

Blandið smjörinu og kryddinu vel saman.

Saltið kalkúnabringuna og smyrjið með kryddsmjörinu. En skiljið þó eftir nóg af smjöri fyrir samlokurnar.

Setjið inni í ofn í 170°C þar til hún nær 75°C í kjarnahita eða u.þ.b. 40-60 mín, fer eftir stærð.

Takið bringuna út og leyfið að hvíla í 20 mínútur áður en þið skerið.

Skerið þá bringuna í þunnar sneiðar, þvert á vöðvaþræðina.

Haldið aftur smjörsoðinu í botninum á fatinu sem bringan var á og skafið laust allt sem brúnað og bragðgott. Þetta verður notað í sósuna.

Fylling

Saxið jafnt af sellerí, gulrótum og lauk. Steikið með ólífuolíu pönnu við miðlungshita þar til mjúkt.

Saxið beikon í bita og bakið eða steikið þar til það er létt eldað.

Þerrið á beikonið á eldhúspappír til að taka burt óþarfa fitu.

Skerið samlokubrauðsneiðarnar í teninga og bakið við 120°C hita þar til þeir verða stökkir.

Bætið beikoninu út í pönnuna með grænmetinu og kryddið með steinselju, rósmarín og salvíu.

Bætið við brauðteningunum og nóg af kjúklingasoði til að létt bleyta í öllu.

Blandið vel og bakið í ofni við 180°C þar brúnað.

Sósa

Hitið “smjör-kalkúnasoðið” í sósupotti á lágum til miðlungs hita.

Bætið 1-2 msk af hveiti og hrærið vel saman til mynda “roux” sósugrunn.

Brúnið grunninn vel og rólega.

Hrærið og hellið kjúklingasoðinu í pörtum út í pottinn þar til æskilegt magn af sósu hefur myndast. Mikilvægt að hræra vel til að mynda ekki kekki.

Kryddið svo með kryddjurtunum þremur eftir smekk.

Samlokan

Skerið súrdeigsbrauð í þykkar sneiðar.

Smyrjið með kryddsmjörinu og ristið á pönnu við miðlungshita.

Setjið svo saman samloku með fyllingu, kalkún, sósu, spínati og trönuberja sósu.

Berið fram og njótið.