Í samstarfi við Gestgjafann. Uppskrift: Sólveig Jónsdóttir. Mynd: Rakel Rún Garðarsdóttir

Deigið

Mýkið rúsínurnar með því að setja þær í skál með sjóðandi heitu vatni í um það bil 10 mín.

Hellið vatninu svo af og setjið þær til hliðar.

Setjið 1⁄4 hluta af volgri mjólk- inni og 1⁄2 tsk. af sykrinum í skál.

Dreifið þurrgerinu yfir.

Hrærið og látið bíða við stofuhita í um 10 mín.

Setjið afganginn af mjólkinni í skál ásamt sykrinum, smjöri og salti. Hrærið saman þar til smjörið hefur bráðnað.

Sláið eggin í sundur áður en þeim er bætt saman við ásamt gerblöndunni.

Hrærið kanil, kardimommur og múskat saman við hveitið og bætið þurrefnunum smám saman við þau blautu og hnoðið saman, ýmist í höndum eða hrærivél.

Hnoðið í um 10 mín. þar til deigið er orðið mjúkt og teygjanlegt.

Bætið rúsínum saman við og færið deigið í stærri skál.

Hyljið skálina með viskustykki og látið deigið hefast á hlýjum stað í 1 1⁄2 klukkustund.

Hvolfið deiginu úr skálinni á hveitistráðan borðflöt og skiptið því í 12 jafna hluta.

Búið til bollu úr hverjum hluta og raðið á plötu með bökunarpappír.

Setjið viskustykki yfir og látið bollurnar hefast í 30 mín. á hlýjum stað.

Bakstur

Hitið ofninn í 190°C.

Sláið eggið í sundur og penslið bollurnar með því.

Blandið hveiti, sykri og vatni saman og setjið í sprautupoka.

Sprautið kross ofan á hverja bollu.

Bakið í 15-17 mín.

Hitið síróp og vatn saman að suðu.

Penslið bollurnar með sírópsblöndunni um leið og þær koma út úr ofninum.

Krossbollur eru bestar nýbakaðar með smjöri.