Himneskir hálfmánar með Helvítis eldpiparsultufyllingu

Settu hveiti, sykur, kanil, kardimommudropa og hjartarsalt saman í hrærivélarskál og blandaðu.

Stilltu hrærivélina á lágan hraða, með hnoðarann í gangi og bættu við mjólkinni, smjörinu og egginu.

Þegar deigið er komið saman þarf að setja matarplast utan um það og geyma í kæli yfir nóttu.

Ofninn stilltur á 190°C (miðað við blástursofn).

Gott er að strá smá* hveiti á borðið áður byrjað er að fletja út deigið.

Hluti af deiginu er flattur út í einu, þar til það er ca 3 mm þykkt.

Stungnar eru út hringlaga kökur, í ca. 8 cm stóra hringi, en hægt er að nota aðrar stærðir en það hefur þá áhrif á heildarfjöldann.

Ofan á hringlaga kökurnar er svo sett ca tsk af sultu í miðjuna og kakan er brotin saman og endunum er lokað með fingrum svo þétt með gaffli.

Næst eru kökurnar settar á plötu með bökunarpappír og penslaðar með eggi.

Kökurnar eru svo bakaðar í miðjum ofni í ca 12 mínútur.

Ath. ef notað er of mikið hveiti geta kökurnar opnast í bakstrinum. Gott er að hafa smá hveiti á gafflinum svo hann festist ekki við kökuna. Ofnar geta verið mismunandi, gott er að gera prufu á nokkrum til að meta hvort þurfi að aðlaga tímann.