Leggið kjúklingabaunirnar í bleyti í 8 klst. eða yfir nótt í lokuðu íláti með nægu vatni.

Saxið lauk og kryddjurtir og pressið hvítlauk. Sigtið vatnið frá kjúklingabaununum.

Setjið öll hráefnin nema hveitið í matvinnsluvél og blandið í 40-60 sek. eða þar til blandan er smágerð, klístruð og festist vel saman.

Bætið við hveiti þar til auðvelt er að móta bollur úr blöndunni.

Mótið litlar bollur úr deiginu.

Hitið olíu á pönnu við miðlungshita. Þegar olían hefur náð hita eru bollurnar settar út í og steiktar í um 1-2 mínútur eða þar til þær hafa brúnast allan hringinn og eru eldaðar í gegn.

Berið fram með góðri sósu og salati eða inní vefju eða pítubrauði.