Í samstarfi við Gestgjafann

Stillið ofninn á 175°C með blæstri.

Blandið haframjólk, olíu, hrásykri, flórsykri, eggi, vanilludropum og möndludropum í skál og þeytið í um mínútu.

Blandið þá möndlunum við og hrærið létt saman.

Setjið næst hveiti, lyftiduft og salt í blönduna og blandið saman með sleif.

Þegar deigið er komið ágætlega saman setjið það á borð og hnoðið þar til það helst vel.

Ef deigið er ennþá svolítið blautt getið þið bætt við klípu af hveiti en passið að hnoða deigið ekki of mikið.

Skiptið deiginu i tvennt, mótið tvær lengjur á bökunarpappír og fletjið lengjurnar aðeins út svo þær myndi betur „biscotti-form“.

Bakið í 25 mínútur og takið þær síðan út og leyfið þeim að kólna í um 20 mínútur.

Skerið lengjurnar næst skáhallt niður í sneiðar og setjið aftur í ofninn í 10 mínútur.

Snúið þeim þá við og setjið aftur inn í aðrar 10 mínútur.

Takið þá kökurnar út og leyfið þeim að kólna áður en þið njótið þeirra með kaffinu.