Krónan er fjölbreyttur vinnustaður fyrir fólk með alls konar hæfileika. Hvort sem þú ert liðtækur lagerstarfsmaður, skjótari en skugginn að stimpla þig inn í sjálfsafgreiðslukassa með bros á vör eða skrifstofutýpa sem er algjör Excel-hvíslari, þá viljum við heyra frá þér!
Við viljum vera til fyrirmyndar
Markmið Krónunnar er að vera fyrirmyndarvinnustaður þar sem áhersla er lögð á þjálfun, jafnrétti, heilsu og öryggi starfsfólks.
Við vöndum okkur mikið við að vera góður vinnustaður. Við erum stolt af því hver við erum og okkur finnst hversdagurinn í öllum sínum fjölbreytileika alveg frábær! Við leggjum áherslu á að styðja við starfsfólkið okkar þegar kemur að því að ná árangri í starfi, gerum okkur far um að vera sanngjörn og gerum okkar besta til að tryggja jafnrétti, öryggi og persónuvernd fólksins okkar.
Sækja um starf
Mannauðsstefna
Við leggjum okkur ávallt fram við að ráða til starfa hæft fólk sem hefur metnað til að ná árangri í starfi. Við stöndum faglega að ráðningum í samræmi við jafnréttisstefnu og hæfnikröfur starfanna.
