Í samstarfi við Gestgjafann. Uppskrift: Rakel Rún Garðarsdóttir. Mynd: Guðný Hrönn.

Pressið tófúið með þar til gerðri tófúpressu, einnig er hægt að vefja tófúinu í eldhúspappír og leggja þungt farg ofan á og láta standa í 30 mín. til klst.

Hitið olíu á pönnu á miðlungsháum hita.

Blandið kryddinu, mjólkinni og næringargerinu saman í litla skál og setjið til hliðar.

Myljið tófúið niður með gaffli.

Setjið hvítlaukinn á pönnuna og mýkið áður en tófúinu er bætt út á pönnuna og það eldað í um 5 mín.

Bætið krydd- og mjólkurblöndunni út á pönnuna, eldið áfram í 5 mín og hrærið reglulega í.

Berið fram með ristuðu brauði og grænmeti