Í samstarfi við Gestgjafann

Setjið þurrkaða sveppi í hitaþolna skál og hellið 150 ml af sjóðandi heitu vatni yfir.

Látið standa í 15-20 mín.

Hitið stóra pönnu með ½ msk. af olíu.

Steikið lauk í 5-6 mín. eða þar til hann er mjúkur.

Bætið við hvítlauk og steikið áfram í 2-3 mín. eða þar til laukurinn er byrjaður að karamellíserast.

Bætið fersku sveppunum saman við laukinn á pönnunni og eldið í 10 mín. eða þar til sveppirnir eru mjúkir.

Hrærið miso-mauki og möndlusmjöri saman við sveppablönduna.

Bætið því næst kókosmjólk og þurrkuðu sveppunum við ásamt vökvanum sem þeir lágu í.

Hér er gott að sigta vatnið sem sveppirnir voru í til að ganga úr skugga um að engin óhreinindi séu í vatninu.

Hrærið allt vel saman og látið blönduna koma upp að suðu.

Lækkið örlítið undir pönnunni og látið malla í 20 mín.

Ef blandan er of þykk má bæta örlitlu vatni saman við.

Bragðbætið með salti og pipar.

Hrærið graslauk og steinselju saman við, rétt áður en þetta er borið fram með soðnum hrísgrjónum eða brauði.