Að hætti Víðis Hólm

Saxið rauða papriku, lauk og hvítlauksrif.

Steikið grænmetið upp úr ólífuolíu þar til mjúkt og saltið létt.

Kryddið með Harissa kryddi (líka hægt að skipta út fyrir papriku, cayenne, cumin og hvítlauksduft).

Bætið við dós af tómötum, blandið og leyfið að krauma í 10-20 mínútur þar til sósan þykkist. Saltið létt.

Lækkið hitan í létt kraum og búið til litlar holur með sleif fyrir eggin. Brjótið 4 egg ofan í holurnar.

Setjið lok á pönnuna og leyfið gufunni að elda eggin í 5-8 mínútur (hægt að nota álpappír ef ekki er til lok).