Í samstarfi við Gestgjafann.

Rósakál

Hitið ofninn í 200°C.

Skerið endann af rósakálinu, hreinsið ystu blöðin af og setjið hreinsað rósakálið í skál.

Blandið saman ólífuolíu og salti í skál og hellið yfir rósakálið.

Setjið rósakálið í eldfast mót og hitið í ofni í u.þ.b. 10 mínútur.

Fylgist vel með rósakálinu í ofninum svo það ofeldist ekki eða brenni.

Sætar kartöflur

Hitið ofninn í 200°C.

Skerið kartöflurnar í 3-4 cm bita.

Blandið hlynsírópi, ólífuolíu, kanil og salti í skál og hellið svo yfir kartöflurnar.

Látið marinerast í smá stund og setjið svo í ofninn.

Bakið þar til kartöflurnar eru orðnar mjúkar eða í u.þ.b. 25 mínútur.

Á meðan ristið þið pekanhnetur á pönnu.

Blandið rósakáli og kartöflum saman.

Að lokum er pekanhnetum ásamt trönuberjum og hlynsírópi stráð yfir allt saman.