Skerðu rauðrófurnar í meðalstóra teninga (ca. 1x1 cm.) og settu í skál.

Bakaðu heslihneturnar á 150°C í 12-15 mínútur, saxaðu þær síðan gróflega með hníf og settu þær út í skálina með rauðrófunum. Geymdu nokkrar til skreytinga.

Plokkaðu nokkra fallega topa af dillinu til skreytingar, saxaðu rest og settu í skálina.

Helltu um það bil 4 msk. af eplaediki yfir ásamt 2 msk. af hunangi.

Helltu vænum skammti af ólífuolíu yfir ásamt 1-2 tsk. af salti.

Blandaðu þessu öllu vel saman.

Skerðu hindberin til helminga og settu í skálina og blandaðu aftur saman, en í þetta skiptið varlega svo þú maukir ekki hindberin. Geymdu ef til vill nokkra helminga af hindberjunum til skreytingar.

Helltu salatinu í fallega skál og puntaðu með dilltoppunum og hinberjunum.