Í samstarfi við Gestgjafann. Uppskrift: Telma Geirsdóttir.

Byrjið á því að skera sólþurrkuðu tómatana í litla bita og fjarlægið fræin úr chilipiparnum ef þið notið hann.

Steikið hneturnar örlítið á þurri pönnu.

Setjið sólþurrkuðu tómatana, furuhneturnar, basilíkuna og chilipiparinn í blandara og blandið með smá ólífuolíu þar til það er orðið að grófu mauki.

Bætið þá ostinum, meiri olíu og smá salti út í og blandið þar til pestóið hefur náð þeirri áferð sem þið kjósið.

Það getur gefið ríkara bragð að nota smá olíu af sólþurrkuðu tómötunum á móti ólífuolíunni.

Smakkið til og bætið smá garðablóðbergi út í.