Í samstarfi við Gestgjafann

Hitið ofninn í 85°C.

Þerrið hrygginn og skerið rákir fitumegin svo það myndist tíglamynstur en varist að skera í kjötið.

Pönnusteikið fituhlið hryggsins fyrst á heitri pönnu upp úr olíu.

Þegar hryggurinn hefur náð gullinbrúnum lit bætið þá smjöri út í ásamt hvítlauk.

Snúið þá hryggnum við og steikið í u.þ.b. 1 mínútu í viðbót.

Færið lambahrygginn yfir í eldfast mót með fituhliðina upp og leggið ferskt rósmarín og timían á hrygginn ásamt hvítlauksgeirum.

Saltið og piprið eftir smekk og setjið inn í ofn þar til hryggurinn hefur náð allt að 54°C í kjarnhita.

Hvílið kjötið í um 5-10 mínútur áður en þið skerið vöðva hryggsins af beini.