Í samstarfi við Gestgjafann

Hitið ofn í 180°C.

Setjið kóríander-, kummin- og fennel fræ á litla pönnu og ristið í u.þ.b. 1 mínútu.

Setjið í litla matvinnsluvél ásamt engifer, hvítlauk, sykri, tómatpúrru, rifinni rauðrófu, lauk, kóríander, chili-aldini, ¼tsk. af salti og ⅛ tsk. af pipar og maukið saman þar til allt hefur samlagast vel.

Hitið 2 msk. af olíu á stórri pönnu sem má fara inn í ofn og hafið á háum hita.

Sáldrið örlitlu salti og pipar yfir kjötbitana og steikið þá í skömmtum í u.þ.b. 5 mínútur eða þar til kjötið er brúnað á öllum hliðum.

Takið kjötið af pönnunni og setjið á disk til hliðar.

Setjið kryddmaukið á pönnuna og eldið í 2-3 mínútur og hrærið í reglulega.

Setjið kjötið aftur á pönnuna ásamt vatni, komið upp suðu og setjið á lok.

Setjið inn í ofn og eldið í 1 klst.

Takið úr ofninum og raðið rauðrófubitum ofan í sósuna með kjötinu, eldið áfram í hálftíma með lokinu á.

Fjarlægið því næst lokið og eldið áfram í 30-40 mínútur.

Berið fram með grískri jógúrt, ferskum kóríander og flatbrauði ef vill.