Sex til átta tíma hægeldun svo ágætt að byrja í hádeginu að koma þessu af stað.

Gatið ysta lagið á skönkunum og saltið og piprið duglega.

Hitið smá ólífuolíu í stórum potti og brúnið skankana á öllum hliðum á háum hita.

Takið skankana til hliðar og lækkið undir. Setjið í pottinn allt smátt saxað, lauk, 2 gulrætur og sellerí. Saltið smá og steikið á meðal háum hita án þess að brúna grænmetið eða þar til það hefur mýkst.

Tómatpúrran sett út í og hrært saman við grænmetið.

Rauðvín sett út í og soðið í 3 mínútur.

Bætið lambaskönkum aftur í pottinn ásamt gróft skornum 2-3 gulrótum, krömdum hvítlauksrifjum, timjan og lárviðarlaufum.

Hellið í soði þar til skankarnir rétt gægjast uppúr, ef eitthvað vantar uppá má bæta vatni í staðinn.

Setjið inn í ofn með loki á 130°c í 5-6 klukkustundir.

Þegar það er klukkutími í mat þá hækkum við ofninn í 180°c, skerum grasker í tvennt, skóflum fræjum úr, pensla með olíu og salta. Setjum inn í ofn þar til þau eru mjúk eða um 45 mín.

Á sama tíma og þetta er að gerast þá viljum við taka soð af skönkunum til þess að búa til sósu. Ausum nánast öllu soðinu úr pottinum í gegnum sigti í annan pott.

Skankarnir látnir vera í ofninum núna án loks meðan graskerið bakast.

Sjóðið soðið niður um helming eða svo. Svo má þykkja sósuna með örlitlu hveiti eða maísmjöli.

Þegar graskerið er orðið mjúkt þá er gott að moka því úr með skeið. Setjið í matvinnsluvél eða stappið saman. Bætið svo smjöri út í og smakkið til með salti

Berið fram lambaskanka með graskersmús og sósu