Í samstarfi við Gestgjafann. Uppskrift: Stefanía Knúts.

Stillið ofninn á 200°C.

Kveikið undir potti á miðlungshita og bræðið smjörið.

Blandið þá mjólkinni saman við og lækkið hitann.

Þegar örlítill hiti er kominn í blönduna þá færið þið hana yfir í skál og bætið sykri og þurrgeri saman við.

Hrærið létt og látið standa þar til hún byrjar að freyða.

Á meðan setjið þið hveiti og salt í hrærivél með krók og hrærið í tvær mínútur.

Bætið þá við kotasælunni og hrærið áfram þar til deigkúla myndast á krókinn.

Smyrjið næst stóra skál með matarolíu, setjið deigið ofan í og veltið upp úr olíunni.

Eðlilegt er að deigið sé nokkuð klístrað.

Látið hefast í 45 mínútur og blandið þá saman við hunangið.

Gott er að hella því ofan á og þrýsta því inn í deigið með sleif svo að það skipti sér ekki.

Mótið þá bollur með því að rífa um lófastærð af deigi og rúlla saman í kúlu með höndunum.

Raðið á bökunarpappír og leyfið að hefast í 30 mínútur.

Penslið bollurnar með egginu og stráið kókosmjöli yfir og bakið í 13 mínútur.

Takið þá bollurnar út og dreifið hunangi yfir á meðan þær eru heitar.