Aðferð

Byrjið á því að útbúa Chimichurri sósuna. Skerið smátt rauðlauk, steinselju og kóríander. Fræhreinsið chili og skerið smátt. Skerið allt extra smátt.

Blandið saman rauðlauk, chili, hvítlauksrifi, hvítvínsediki og salti í skál. Leyfið að standa í 10 mínútur.

Hrærið steinselju, kóríander, oregano og ólífuolíu saman við.

Skerið nautakjötið í bita og blandið saman við 4 msk af chimichurri sósunni. Leyfið því að standa í klst eða meira.

Þræðið kjöt, rauðlauk, sveppi og smælki til skiptis á grillpinna.

Grillið pinnana í 4-5 mínútur á hverri hlið eða þar til kjötið er eldað eftir smekk.

Berið fram með restinni af chimichurri sósunni og grilluðum maískólfum.

Maískólfar með parmesan

Leggið maískólfana í kalt vatni í 20 mínútur og þerrið.

Losið hýðið utan af kólfinum en passið að slíta það ekki af stilkinum. Losið alla þræðina utan af maísnum. Lokið maísnum aftur með blöðunum og bindið fyrir endana með maísblaði.

Grillið maískólfana á meðalheitu grilli í 15-20 mínútur.

Smyrjið kólfana með smjöri og veltið þeim upp úr rifnum parmesan osti. Kryddið með cayenne pipar eftir smekk.