Sósa

Rífið hvítlauk og steikið við mildan hita upp úr ólífuolíu.

Bætið við chiliflögum.

Bætið við krukku af tómötum.

Saltið og piprið eftir smekk.

Bætið við greinum af basilíku.

Leyfið sósunni að malla á vægum hita í 30-60 mínútur.

Pastadeig

Hellið hveitinu á hreinan borðflöt og myndið holu í miðjuna.

Setjið egg, ólífuolíu og salt í holuna.

Blandið saman með gafli og hnoðið deigið í 8–10 mínútur þar til það verður slétt og teygjanlegt.

Mótið deigið í kúlu, vefjið í plastfilmu og kælið í 30–60 mínútur.

Fylling

Saxið hráskinku og basil. Rífið parmesan ost.

Blandið saman í skál með mascarpone.

Samsetning

Skiptið deiginu í þrjá hluta og fletjið hvern hluta út með pastavél eða kökukefli þar til deigið er mjög þunnt.

Notið glas eða form til að skera út hringi úr deiginu.

Setjið um það bil 1 tsk af fyllingu á miðju hvers deighrings.

Leggið annan deighring ofan á og þrýstið vel saman við brúnirnar. Notið gaffal til að loka ravioliunum og tryggja að fyllingin haldist inni. Gott að bleyta létt kantinn með vatni til að tryggja að allt límist saman.

Sjóðið ravioli í vel söltuðu vatni í 3–4 mínútur eða þar til þau fljóta upp á yfirborðið.

Veltið upp úr sósunni og berið fram.