Sjóðið vatn og smjör saman í potti þar til smjörið er allt bráðnað.

Hellið þá hveitinu út í pottinn, slökkvið undir og hrærið vel þar til innihaldsefnin mynda saman kekklausa bollu.

Næst er mikilvægt að deigið fái að kólna vel svo eggin (sem fara út í næst) eldist ekki. Það má t.d. setja deigið út í glugga, hræra í hrærivél eða einfaldlega bara láta það standa.

Þegar deigið er orðið kalt er komið að því að hræra það í hrærivélinni og brjóta eitt egg í einu út í deigið.

Byrjaðu á tveimur eggjum en brjóttu þriðja í skál/bolla og helltu varlega út í.

Deigið á að vera nokkuð blautt en ekki þannig að það leki og myndi þá ekki nokkuð stöðugt form á bökunarplötunni. Stundum þýðir það 2,5 egg og stundum þrjú.

Notaðu skeiðar eða sprautupoka til þess að mynda bollurnar. Gott er að miða við að þær séu um það bil á stærð við kókoskúlu. Þá borðast þær í um það bil þremur bitum.

Bakið við 200°C og blástur í um 25 mínútur. Ekki skal opna ofninn fyrstu 20 mínúturnar svo þær falli ekki saman. Láttu bollurnar standa í nokkrar mínútur eftir að þær eru teknar út, helst á plötunni sjálfri.

Fyllingin fer svo eftir smekk en gott getur verið að hugsa þetta sem einskonar bragðaref. Ávextir, nammi og allt þar á milli fer einstaklega vel með rjómanum. Verði ykkur að góðu!