Í samstarfi við Gestgjafann. Uppskrift: Jóhanna Hlíf.

Sjóðið kartöflurnar og afhýðið.

Stappið þær í mauk og látið kólna.

Blandið saman geri og volgu vatni og látið bíða í stutta stund.

Bætið þá út í hveiti, salti, sykri, ólífuolíu og kartöflunum þegar þær hafa kólnað.

Hnoðið saman í 5 mínútur. Deigið á að vera mjög blautt.

Setjið deigið í bökunarform og látið hefast á heitum stað undir blautu viskastykki í 30 mínútur.

Hitið ofninn í 200°C með blæstri.

Stráið sjávarsalti yfir deigið og raðið tómötum ofan á.

Að lokum er ólífuolía sett yfir og þetta svo bakað í miðjum ofni í um 30 mínútur eða þar til brauðið er gyllt að lit.